تصميمي للقدس

[ابو سليمان]

أولا اتمنى من الجميع عند عرض تصميم .. ان يذكر نبذه بسيطة عن كيفية التصميم حتى نعطي العضو امكانية التصميم بدل ان نجعله فقط متفرج :)


-------------------------------------
هذا التصميم .. استخدمت فيه التدرج من الأحمر للوردي

وبعد اختيار نوع الخط قمت باستخدام فلتر EyeCandy4000

حتى تصبح على شكل سائل

وطبعا استخدام بعض الصور وتخفيف الشفافية

التصميم ليس بتلك القوة .. ولكن سهل جدا

http://moon15.com/1/upload/docs/qodse.jpg

[جارة القمر]

<br><br><center><Traditional Arabic> <font color="c06080"><font size=3<<br> <br>
فكرتك جميلة جداً اخونا ابو سليمان ..
ياليت كل عضو يسوي تصميم يذكر لنا نبذه عنه عشان لو اعجبتنا فكره فيه نعرف وش نسوي ..


تصميم حلو .. سلمت يديك ..

[ابو لطيفة]

تصميم جميل وبسيط ومعبر ............. ماشاء الله عليك ........

[ابو سليمان]

هلا جارة ..

نفس اللي اتمناه ... لأن الهدف من هذا المنتدى تعليمي اكثر من استعراضي

لذلك عرضت هالتصميم الخفيف لكي اعرض كيفية عمل فلتر اي كاني 4000 فقط


ولك تحياتي

---------------------

هلا ابو لطيفة

كلك ذوق :)

ولك تحياتي

[فالح العجمي]

التصميم لابأس به ..

لكن هل هناك مجال للنقد....؟






تحياتي

[غيوم كمبيوتريه]

يعطيك العافيه اخوي ابو سليمان فعلا تصميم سهل بس رائع بعد ....:)

يخرع فالح وهو يقول في مجال للنقد .:( ..

بس للفت الانتباه اخوي ابو سليمان .. واضح انك لما نقلت صورة القدس استخدمت اداة الماركيو وال Feather بس بنسبه بسيطه عشان جذي مبين بداية نقل الصوره حاول تكتب نسبه اكبر عشان يصير في تداخل بين الصوره والخلفيه وتضيع حدود الصوره مع الخلفيه .. الا اذا انت كنت تبيها بالشكل هذا .. وتسلم يديك على هذا العمل الجميل :) وتقدر تستخدم الماسك وال feather مع بعض بين الصوره والخلفيه وبتطلع حلوه ايضا ..

تشكر

اختك

[فالح العجمي]

هههههههههههه


النقد هو اللي يخلي الواحد مبدع في التصاميم ....

مثلي زمان كان يفتفتوني بالنقد ..لين إصقلوا معدني التصميمي...






تحياتي

[غيوم كمبيوتريه]

اكيد النقد يصنع المصميمين الكبار عشان جذي انا قلت يخرع فالح وهو يقول نقد لانك تكون مساتنس عبالك شغلك ولا في منه وتتفاجأ بنقد تكون انت غافل عنه :)

والله يا اخ فالح لين الحين يفتتونا مع ان احنا عدينا مرحلة النقد بس يالله اللي يبي العلا يتحمل :)

[ابو سليمان]

الله الله الله الله الله :)

كل هذا على شان تنقدون هالصورة :)


النقد مفتوح .. والكل له حق النقد .. والكل قابل للنقد .. ولكن عين نظرة ..

وضحت فوق الصورة .. :) بس الظاهر محد انتبه ..( التصميم ليس بتلك القوة .. ولكن سهل جدا ) ان هذي الصورة مو استعراضيه .. هذي فقط عرض للفلتر اي كاندي 4000 فقط .. فبدل ما احط الخط لحاله .. وضعت معه هذا الشكل ..

وطبعا انا ارحب في النقد .. في جميع الحالات . .لأن الهدف الوصول إلى الوجه الأكمل ..

وبالنسبة لنقد الاخت غيوم ..

الصورة الموجوده عندي كانت دائرية وصغيره .. فاللي يدقق في الصورة يتضح له انها مكبره حبتين :)

والا الاصل ان القبة تكون في أعلى الصورة .. وليست في اسفل الصورة .. والاطار طبعا بكل تاكيد متعمد وضعه بهذا الشكل :)

وفي انتظار نقد الاخ فالح :)

ولكم تحياتي

[غيوم كمبيوتريه]

d:d شكلك مو متقبل نقدنا عيل اصبر علينا :mad:

اخوي فالح لا ترحمه ابو سليمان بدى يهجم علينا ويتحرش في نقدنا ,,, صبر علي بنتقدك بعد يا ابو سليمان ...


شوف يا ابو سليمان ...

النقد الاول :: اذا تبي توصل لقمة التصميم تتقبل كل النقد اللي يوصلك ما اتبرر بس تتقبل :p حتى لو النقد يسبب القهر ونسف الصوره من جد وجديد ... صبر علي بهريك نقد :p

النقد الثاني :: انا لاحظت انها مكبره وشكلك مو مكبرها عدل بعد ولا اتبعت الطريقه الصحيحه في تكبير الصور واهي من image --image size -- uncheck resample image.

النقد الثالث : مشكور على الترشيح بس هم بنتقدك :) :p

النقد الرابع : حتى لو انها مجرد لسبب توضيح فلتر معين لازم تكون ميه ميه قويه .. غصب :p

النقد الخامس : لان اجابتك على ردودنا مرقمه برقم نقدي باولا وثانيا وثالثا وبهريك نقد ... شي حلو تنتقد رئيسك بالعمل لما يكون عمله مو دقيق ويتحجج عليك وتتفرج عليه واهو معصب ... بس مو تستقل نقدي وتقول جنت على نفسها غيوم وتسوي ومثل ما سويت في الدندووووون .. اهناك اهو تحرش اهني انت تحرشت :)

النقد السادس : جني قاعده انتقم مو انتقد :) ليش ما شاركت في لعبة الشعر .. جنيت على نفسك :)

النقد السابع : انشاء الله هذا النقد انساك هذاك النقد وضحكت اشويه وعرفت انه النقد فوائده اكثر يعني مثل ما انقول بالكويتي مأخوذ خيره :)

<<<<------------- حكيمه :P

وانطر نقد فالح بيطول بيدرس الصوره اكثر مني :)

اختك :)

[ابو سليمان]

اختي غيوم :)

اشكرك على النقد الجميل ..

ولو اني ما اتقبل النقد .. كان ما وصلت إلى اني اصمم موقع .. او اهتم بالبرمجة .. وانا ضد المجاملات .. إذا لم تكن طريق للنقد .

وما فتحنا قسم للفوتوشوب الا لتصحيح الاعوجاج :)

عند الجميع

وانا اولهم ..

واشكرك على زرع الابتسامة :)

ولك تحياتي

[فالح العجمي]

ما دامكم فتحتوا النقد على مصراعيه....إذا فأستلموا:

1- كلمة القدس ينادينا....لون الستروك ماهو متناسق وراكب على الخلفية يعني التحديد بالأحمر والخلفية حمراء..يعني لو كان التحديد بالأسود مثلا يمكن يضبط...

2- صورة القدس....فيها دمج غير مناسب..يعني خل صورة القدس تكون واضحة جدا وتزيد الأضاءة حتى تكون مميزة عن الخلفية اللي شكلها يميل للأندماج...

3- لون الخلفية أو التدرج الذي جعلته غير مناسب... لو أخترت لون مثلا أحمر من كذا يمكن يضبط معك ...

4- التصميم إذا بغيته يصير أكثر إبداع حاول تلعب في الخلفية من حركات وأشكال مدموجة وكثر حتى عين المشاهد تحتار في التصميم وروعته وهذا أسلوب المصمميين الكبار...

5- الأطار غير مناسب مع الخلفية ...يعني الأطار لونه فاتح والخلفية أيضا فاتحة..

وخذ في إعتبارك أخوي أبو سليمان والأخوة جميعا ....أن أكبر المصممين يمكن لو ما لقا أحد ينقد تصميمه يمكن يدفع فلوس حتى أحد ينتقد تصميمه ليواكب الأفضل...وأنا هنا مابي فلوووووووس...
أبي دعوووووووووة صالحة..





تحياتي

[غيوم كمبيوتريه]

هههههههه

قايلتك لك اخوي ابو سليمان ان اخوي فالح بيدرس الصوره اكثر مني :)

والعفو اخو ي ابو سليمان نقدي كله كان للضحك مو توجيهات لا تاخذ الامر جد :)

بس مبين اخوي فالح كان يبي الاشاره عشان ينتقد ههههه

والله يزيدنا من علمه :)

اختك

[ابو سليمان]

هلا اخوي فالح ..

نقدك على العين والراس .. :) ولكن يحتاج نقد شف مثلا

4- التصميم إذا بغيته يصير أكثر إبداع حاول تلعب في الخلفية من حركات وأشكال مدموجة وكثر حتى عين المشاهد تحتار في التصميم وروعته وهذا أسلوب المصمميين الكبار...

انا اخالفك حول هالنقطة .. كثر الحركات في الخلفية .. تشتت ذهن المشاهد .. قد يعجبه مثلا بها لاول مرة .. ولكن بعدها يحس انها سخيفة ..

أنظر إلى اجمل اللوحات المعروضه .. تجدها تحوي لمسات فقط .. ولست حركات :)

دائما نعومة التصميم تعني الجاذبية .. وليست كثرة الحركة ..

واظن هذا الكلام هو ما يسري على حميع المصممين الكبار .. وليس كما ذكرت من كثرة الحركات .:)

ولك تحياتي

==================
الاخت غيوم

انت تمزحين وتصدقين :) من قال اني مصدق هئ هئ هئ

[غيوم كمبيوتريه]

:) انا امزح واصدق وانت ما اتصدق :p

اوكي بمشيها جذي